星期5搭下午機出發去東京,今次帶丫美
因為行李要另外加錢,我地去程將細篋擺入大篋入面,2個加埋9.4kg
lee張機票...好簡潔,連公司名都冇印
平價機票專用0既北衛星客運廊,今次係Gate 503
Vanilla Air,第1次搭LEE間
好耐都冇搭下午機,可以見到咁好0既天空
飲左罐Highball Whisky(350円)
Vanilla Air係我搭過0既廉航中最逼0既1間
第1次因為太近而影唔到餐架上0既野(近到對唔到焦)
高過165或者大份少少0既人都唔好揀佢,腳會麻痺
落機,自己行樓梯,落到地面再要行樓梯上大樓
拎行李算快,我只係去個廁所行李已經到左
迎黎到日本都見到Caffe bene
有車票售票處,不過我地唔係0係到買
落機0既係Terminal 3,係新0既Terminal,只有好細地方
裝飾成好似跑步徑1樣
細佬岩岩整傷腳,所以我1個人努力地推行李
要由Terminal3 行去Terminal2 搭車,都要行15-20分鐘
落去車站搭車出市區
本身係諗住搭N'EX直接去新宿
但原來晚上11點幾時N'EX已經收左工,冇得搭
唯有搭JR去東京站再轉車去新宿
漫長0既車程,好彩上車前有0係便利店買左少少野食
東京鐵路0既路線圖,我仲記得自己第1次0係東京搭車時0既迷茫
黎到東京站,要轉中央線
黎到新宿站都已經係半夜1點幾
屋台,想試,不過唔識日文驚落唔到order
機舖仲未關門
跟住地圖行,黎到新宿區役所前膠囊酒店
酒店0係大廈3-8樓,我之前0係網上已經book左
1入黎先將鞋鎖0係鞋櫃
鞋櫃前有位置係用黎擺篋
黎到櫃檯前,將訂房資料同鞋櫃鎖匙交俾職員
再俾埋當日0既住宿費,職員就會俾床位鎖匙你
LEE間膠囊酒店係要每日check out,就算連續住幾晚都要每日check out,住宿費都係分開每日俾
每日0既床位同locker都唔同,但連泊0既話行李可以寄存
拎左鎖匙後就搭酒店專用0既昇降機
3樓係係接待處同男生浴場同locker
4樓有可以活動0既地方(下面再介紹)
4-7樓係男生床位
8樓係女生樓層,行李,locker,沖涼等等都0係LEE層
2個篋都跟我上8樓,因為執野比較方便
我今晚0既床位
床位同大阪訓0既膠囊酒店差不多,都係有電視,鬧鐘,1個叉電插頭
locker房
如果要執行李,都要黎房入面執,唔會嘈到其他人
跟床位號碼搵返自己locker
locker內有1對紙拖鞋,1大1小0既毛巾,睡衣,衣架
黎到浴室,LEE到係大家刷牙洗面同埋化妝0既地方
(P.S.我係半夜3點幾,等其他人都訓哂,check過冇人先影相)
有提供牙刷,卸妝油,洗面泡
仲有1set保養品,toner,lotion,body lotion,hair water,都係Shiseido
右邊係廁所,左邊係沖涼房
沖涼房入面有齊卸妝油,洗面泡,沐浴露,洗頭水,護髮素,而且都好好用
Panasonic新出0既風筒,超級好用,買1個要成HKD9XX
之後黎到4樓,約左細佬0係到等
有熱水,微波爐,收費0既快速叉電器
自動販賣機,有杯麵同其他微波食品
仲有汽水,啤酒,煙,杯裝飲品
電腦(100円/10分鐘)
有8部自動投幣洗衣乾衣機
唔同服務唔同收費,如果1.5kg衫洗衣+乾衣就400円(已包洗衣液)
輕型食堂,不過已經關門
lee到係男女共用0既活動範圍,有大電視,sofa,大枱
如果要食野都只可以0係到食,床位係唔可以食野
飲住冰結等細佬
check in後想出去,就要將locker鎖匙俾櫃檯保管
職員會俾lee張紙仔同鞋櫃鎖匙你,返去時要用紙仔換返locker鎖匙
雖然已經半夜2點,但見仲有店舖未關門,就落去行個圈
行行下突然落雨,0係人地門口避雨
返去前買左白酒,日本0既果酒真係好好飲
飲住白酒,諗下第2日0既行程
留言列表
生活日常 (3)